“Messi-mania” ka arritur nivele çmendurie që nuk mund të kontrollohen më.
Shamia me të cilën Lionel Messi fshiu lotët gjatë konferencës për shtyp, kur zyrtarizoi lamtumirën nga Barcelona, është shitur në ankand.
Vetëm 24 orë pas konferencës për shtyp, shamia (facoleta) është nxjerrë në shitje. Sipas “Marca”, dikush ka marrë atë shami dhe më pas e ka nxjerrë në shitje. Personi që e ka blerë ka paguar shumë e çmendur prej 1 milionë dollarë.
Personi që ka paguar këtë shumë është shprehur se në atë facoletë ndodhen materiali gjenetik i sulmuesit argjentinas, që tani luan për PSG-në. Mësohet gjithashtu se shamia është shitur në Buenos Aires të Argjentinës.
