Messi, Ronaldo, Lukaku, Mbappé dhe, pse jo, edhe Haaland. Hierarkia e sulmuesve të një peshe të caktuar është e paparë dhe pothuajse e vështirë ta besosh, duke pasur parasysh kushtet e diktuara nga pandemia. Oreksi, megjithatë, vjen me të ngrënit; marrja e një sulmuesi ditët e fundit të merkatos është bërë më shumë se një trill, pothuajse domosdoshmëri.
Ky është rasti i PSG, i cili dëshiron dhe tashmë po përpiqet të sigurojë pasuesin e Mbappe. Francezi është i destinuar për Real Madridin, por duhen 90 pjesë për ta zëvendësuar atë, Leonardo e di. Dhe shpejt, për t’u përfshirë në një repart që tashmë sheh Messin, Neymar, Di Maria, Draxler dhe Sarabia, por edhe Icardi.
Parizienët kanë nevojë për një qendërsulmues tjetër, përtej argjentinasit, i cili në sezonin e fundit tregoi pak besueshmëri, jo aq nga pikëpamja teknike sa nga pikëpamja fizike, duke pasur parasysh dëmtimet e shumta. Haaland është më shumë se një sugjerim, por norvegjezi kushton shumë. Marrja e tij këtë vit do të thotë të shpenzosh të paktën 150 milionë euro.
Dyfish, në krahasim me vitin 2022, kur do të aktivizohet klauzola e lirimit të tijprej 75 milionë euro. Kjo e fundit do ta çlironte Haaland me një çmim pothuajse të volitshëm, duke pasur parasysh vlerën e tij. Mbrëmë, si të thuash, ai e zgjidhi ndeshjen kundër Hoffenheim vetë, duke shënuar në kohën shtesë për rezultatin 3-2.
Prandaj, norvegjezi jep siguri për ambiciet e PSG dhe City, dy “shtet-klubet” me obsesionin e kampionëve. Haaland dukej 100% i bindur se do të qëndronte te Borussia Dortmund për të paktën edhe një sezon tjetër, por sirenat e merkatos bien, testojnë, magjepsin. Dhe të flasësh nuk kushton asgjë: gjermanët e dinë, edhe agjenti i tij Mino Raiola e di më mirë, se Haaland mund të jetë një tjetër goditje e madhe e verës, në lartësitë e lëvizjeve të Messit dhe CR7.
