Pas një starti me dy fitore bindëse, Feyenoord bie në javën e tretë të kampionatit holandez, ku u mposht me rezultatin 3:1 në transfertën ndaj Utrechtit.
Skuadra nga Roterdami gjeti golin në minutën e 45-të, por nuk shkoi dot në avantazh në pushim të ndeshjes, pasi vendasit rikthyen baraspeshën në shtesë me anë të Janssen.
Në pjesën e dytë Utrechti shënoi edhe dy gola të shpejtë me Sylla në minutën e 48’ dhe Gustafson në të 51-tën me penallti, duke vulosur suksesin.
Pavarësisht përpjekjeve të Feyenoord për të shmangur humbjen, rezultati mbeti i pandryshuar deri në fund dhe skuadra nga Roterdami u detyrua të largohej pa asnjë pikë nga transferta ndaj Utrecht.
