Mbrojtësi i Tiranës, Omar Musaj do të jetë pjesë e Erzenit në Kategorinë e Parë sezonit tjetër.
Talenti 19-vjeçaj është huazuar nga Tirana te skuadra shijakase pas interesimit të këtyre të fundit për shërbimet e Musaj. Mbrojtësi i majtë është lojtar i dalë nga akademia e Tiranës dhe është aktivizuar në 4 ndeshje me bardheblutë.
Musaj do të ketë mundësi për më shumë minuta te Erzeni duke u rritur dhe si futbollit pasi konkurrenca te Tirana është e madhe për talentin 19-vjeçar.
Lajmin e bëri të ditur vetë faqja e klubit bardheblu me anë të një postimi në ‘’Facebook’’.
Postimi i Tiranës
Klubi i Futbollit Tirana njofton huazimin e lojtarit Omar Musaj tek ekipi i KF Erzeni. Pas interesimit të klubit mbi lojtarin bardheblu, mbrojtësi i majtë do të jetë në shërbim të skuadrës së Erzenit për sezonin e ri që pritet të fillojë. I urojmë suksese në këtë rrugëtim.
