Mediat lokale kanë zbuluar se ish-presidenti i Barcelonës, Josep Maria Bartomeu hodhi poshtë mundësinë për të nënshkruar me yllin e Liverpoolit, Mohamed Salah dhe yllin e Paris Saint-Germain, Kylian Mbappe.
Barcelona ka dështuar viteve të fundit në transferimin e lojtarëve, sidomos në kohën para dhe pas largimit të Neymarit drejt PSG-së.
Disa nga emrat më të mëdhenj që Barcelona ka dështuar t’i transferojë janë edhe Salah dhe Mbappe.
Sipas mediumit katalunas El Nacional, ish-drejtori sportiv i Romës, Monchi, i cili aktualisht është në Sevilla, i ofroi Barcelonës 29-vjeçar Salah, por u refuzua nga Bartomeu.
Raporti i këtij mediumi sugjeron gjithashtu se Mbappe ishte një tjetër lojtar që klubi e refuzoi atë verë para se të bashkohej me PSG-në nga Monaco vitin e ardhshëm.
Më vonë në afatin e transferimeve të vitit 2017, Barcelona e shiti Neymar tek PSG për një tarifë rekord botëror dhe zgjodhi të ri-investojë ato para në Ousmane Dembele nga Borussia Dortmund.
Ky është një vendim që Barcelona thuhet se është “e turpëruar” për shkak të formës së qëndrueshme të dy lojtarëve gjatë viteve të fundit.
