Italia sfidon Argjentinën

Futboll

Italia sfidon Argjentinën

Më: 28 shtator 2021 Në ora: 18:58
Italia sfidon Argjentinën

Ideja e hedhur nga CONMEBOL për një ndeshje mes Argjentinës kampione të Amerikës Latine dhe Italisë kampione të Europës, duket se është mirëpritur edhe nga UEFA, që ka pranuar zhvillimin e një përballjeje të tillë.

Burmie nga zyrat e qeverive të futbollit në Europë dhe Amerikën e Jugut, konfirmojnë se është vendosur që një përballje e tillë të luhet në muajin qershor të vitit të ardhshëm, ndërsa gjasat më të mëdha janë që kjo ndeshje të njihet si Trofeu Maradona, në nder të legjendës argjentinase të futbollit.

Në ditët e ardhshme pritet që të përcaktohet edhe data e zhvillimit të kësaj ndeshjeje dhe stadiumi mikpritës, që me shumë gjasa do të jetë “Diego Armando Maradona” i Napolit.

Synimi i UEFA-s dhe CONMEBOL-it është që një trofe të tillë, që vë përballë fituesin e Copa America-s dhe atë të Kampionatit Europian, të kthejnë në traditë dhe të mos ndalen vetëm me zhvillimin e ndeshjes Itali-Argjentinë.

Shfaq komentet
comments powered by Disqus
Sot mund të lexoni Shfletoni kopertinat