PSG baras me Marseillen

Futboll

PSG baras me Marseillen

Më: 24 tetor 2021 Në ora: 23:48
PSG baras me Marseillen

Dy gola të anuluar nga sistemi VAR për pozicion jashtë loje, një karton i kuq për Achraf Hakimin, por rezultati mbeti i pandryshuar, 0:0. Klasikja e futbollit francez, Olimpik i Marseilles – PSG, përtej spektaklit të dhuruar nga tifozët në Velodrome, në një moment madje edhe duke e tepruar me hedhjen e shisheve, që detyruan gjyqtarin ta ndërpriste për disa minuta lojën, nuk pati qershinë mbi tortë në një ndeshje futbolli, golin.

As prania në fushë e Messit nuk ndihmoi skuadrën e Pochettinos ta fitonte takimin, me argjentinasin që mbeti në hije. 

E tundi rrjetën fillimit Perez i parizienëve, por në ndërtimin e aksionit sistemi VAR evidentoi pozicion jashtë loje dhe vetëm shtatë minuta më vonë, të njëjtin fat pati edhe finalizimi i Milik.

Fati ishte me vendasit në minutën e 57-të, kur pas ndërhyrjes së sistemit VAR ndërhyrja e gabuar e Hakimit u konsiderua për karton të kuq, si lojtar i fundit.

Megjithatë, në minutat në vazhdim vendësit u kujdesën më shumë për të mos rrezikuar në mbrojtje sesa për të shënuar. Të dyja skuadrat ndanë nga një pikë, duke i lënë ndoshta të gjithë të kënaqur, edhe tifozët në Velodrome.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat