Liqeni zbarkon në Ukrainë për ndeshjet e ‘Main Round’ të Champions League në futsall.
Klubi i futsallit Liqeni nga Drenasi zbarkon në shtetin e Ukrainas. Liqeni synon paraqitje sa më të mirë në ndeshjet e Grupit 6-të të Champions League.
“Para pak minutash skuadra ka zbarkuar në aeroportin e qytetit Lviv në Ukrainë për tu nisur menjëherë drejt Ivano-Frankivsk, qyteti nikoqir ku dhe do vendosemi për ndeshjet e grupit 6-të Main Round UEFA Champions League.
Me një mirëseardhje të ngrohtë dhe tejet mikpritëse nga ana e shtetit ukrainas duke vazhduar më tej me organizatorët, ekipi ndihet tejet komod para ndeshjeve në ditët në vazhdim.
Sot skuadra vendoset në Park Hotel në Ivano-Feankivsk për të pushuar nga rruga e gjatë, për të shkelur palestrën qysh nesër në stërvitjen që do e mbajmë në sallën sportive ku dhe i zhvillojmë ndeshjet.
Pasnesër fillon dhe testi i vërtetë me ndeshjen e parë për ne në kuadër të grupit.-Me plot vetëbesim, angazhim dhe paraqitje solide mëtojmë para vetes për përfaqësim sa më dinjitoz të qytetit të Drenasit dhe jo vetëm”, njofton Liqeni.