Topi i Artë 2021 do të jepet mbrëmjen e 29 nëntorit në parit, megjithatë e përditshmja spanjolle “Marca” ka zbuluar që tani fituesin, Sipas saj, nuk do të jetë as Lionel Messi dhe as italiani Jorginho, por polaku i Bayern Munich, Robert Lewavdowski, ai që do të marrë trofeun më prestigjoz për futbollistë.
Ylli i bavarezëve është shndërruar në një makineri golash dhe në periudhën 2019-2020 ishte protagonist kryesor në triumfin e Bayernit në Ligën e Kampionëve, por atëherë ceremonia e Topit të Artë u anulua për shkak të koronavirusit.
Megjithatë polaku vijon të shënojë me një ritëm të frikshëm dhe të shumtë janë ata që mendojnë se e meriton patjetër ta fitojë qoftë një herë të vetme këtë trofe, ndaj duket se këtë vit shumica e votave kanë shkuar pikërisht për të.
Në renditjen e publikuar nga “Marca”, Lewa ndiqet nga Lionel Messi dhe Karim Benzema, ndërsa italiani Jorginho, i cili fitoi Championsin me Chelsea-t dhe Europianin me Italinë, ka arritur të renditet vetëm i pesti.
Zhgënjim total për Cristiano Ronaldon, që pas një sezoni jo të suksesshëm në Itali me Juventusin, është i nënti, ndërsa braziliani Neymar ka zbritur në vendin e 19, pasi nuk la gjurmë as me PSG-në dhe as me përfaqësuesen e tij.
Renditja që ka zbuluar “Marca”:
1- Robert Lewandowski (Bayern)
2- Leo Messi (PSG)
3- Karim Benzema (Real Madrid)
4- Mohamed Salah (Liverpool)
5- Jorginho (Chelsea)
6- Kylian Mbappe (PSG)
7- N ‘Golo Kanté (Chelsea)
8- Erling Haaland (Bortmund)
9- Cristiano Ronaldo (Man. United)
10- Kevin de Bruyne (Man. City)
11- Gianluigi Donnarumma (PSG)
12- Luka Modric (Real Madrid)
13- Giorgio Chiellini (Juventus)
14- Harry Kane (Tottenham)
15- Bruno Fernandes (Man. United)
16- Ruben Dias (Man. City)
17- Romelu Lukaku (Chelsea)
18- Pedri (FC Barcelona)
19- Neymar (PSG)
20- Riyad Mahrez (Man. City)
