Ronaldinho sërish pas grilave?

Futboll

Ronaldinho sërish pas grilave?

Më: 25 nëntor 2021 Në ora: 11:55
Ronaldinho sërish pas grilave?

Problemet me drejtësinë nuk kanë të sosur me ish-yllin e kombëtares braziliane, Ronaldinho.

Pak kohë pasi ka fituar lirinë, legjenda e Barcelonës mund të rikthehet përsëri prapa hekurave.

Ish-sulmuesi, i cili përfundoi në burg në vitin 2020 në Paraguai për falsifikim pasaporte, rrezikon të kthehet sërish brenda. Këtë herë problemet e tij janë me drejtësinë në Brazil dhe për detyrimet e pashlyera të tij kundrejt ishbashkëshortes së vet, Prishila Koeljo.

Sipas “Extra”-s, një gjykatë në Rio de Zhaneiro i ka dhënë kohë deri më 11 dhjetor Ronaldinhos që t’i shlyejë detyrimet financiare (kuotën e ushqimit) ish-gruas së tij.

Në të kundërt rrezikon të përfundojë përsëri në burg. Detyrimet e tij ndaj ish-bashkëshortes në fakt qesharake, sepse bëhet fjalë për 100 mijë reais (monedha braziliane) ose rreth 16 mijë euro.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat