Tifozët e Interit tallen me të

Futboll

Tifozët e Interit tallen me të

Më: 25 nëntor 2021 Në ora: 12:21
Tifozët e Interit tallen me të

Interi iu fal dygolëshit të Edin Dzekos për të thyer 2-0 Shakhtar Donetsk në “San Siro”. Suksesi shtëpiak dhe fitorja e Real Madrid kundër Sheriff Tiraspol sollën kualifikimin e ekipit të Simone Inzaghit në 16 më të mirët e Champions League.

Presidenti i kampionëve të Italisë, Steven Zhang ka festuar arritjen e objektivit të parë sezonal me anë të një postimi në rrjetet sociale, aty ku shkroi: “Pas 10 vitesh hedhim një hap përpara”.

Kinezi, i cili nuk postonte në Instagram prej 23 majit, datë ku festonte me trofeun e titullit kampion në Itali bashkë me Conten dhe Orialin, ka marrë shumë kritika e thumbime nga tifozët zikaltër.

“Akoma ti je president?”, i shkruan një tifoz i Interit, teksa një tjetër komentoi: “Herë pas here kujtohesh se je ende presidenti i Interit”. Dikush nuk e kursen ironinë, teksa i komenton kreu të klubit: “Për pak e kishim harruar që je presidenti”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat