Marco Verratti detyrohet të ndalet sërish.
Mesfushori i PSG-së dhe kombëtares italiane pësoi një dëmtim muskulor që do ta detyrojë të mungojë për të paktën tri javë. Kjo është arsyeja pse lojtari nuk doli në fushë në ndeshjen e Champions League ndaj Manchester City.
Ekzaminimet e kryera të enjten zbuluan këtë problem për të cilin kërkohet një periudhë pushimi përpara se të merret në konsideratë rikthimi në garë.
Një problem i madh për Pochettinon, i cili rrezikon të humbasë edhe Ander Herreran për një muaj për shkak të një dëmtimi në muskul.
