Teuta gjen pasuesin e Martinit

Futboll

Teuta gjen pasuesin e Martinit

Më: 27 nëntor 2021 Në ora: 17:25
Teuta gjen pasuesin e Martinit

Teuta nuk humb kohë dhe gjen menjëherë trajnerin e ri. Pas largimit të Edi Martinit, durrsakët kanë vendosur t’ia besojnë pankinën Renato Arapit, ish kapiteni i skuadrës sezonin e kaluar dhe që mbante rol drejtuesi në klub.

Burime për SuperSport konfirmojnë se tashmë presidenti Hasanbelliu ka vendosur t’ia besojë pikërisht Arapit pankinën, teksa pritet vetëm komunikata zyrtare e klubit durrsak.

Renato Arapi ka një karrierë të pasur si futbollist, teksa dy sezonet e fundit u rikthye të Superiore për të veshur fanellën e Teutës, me të cilën fitoi edhe titullin kampion sezonin e kaluar, madje duke mbajtur edhe shiritin e kapitenit.

Kjo është eksperienca e parë e Arapit si trajner, teksa misioni i tij do të jetë rikthimi i Teutës te rezultatet pozitive, duke qenë se durrsakët po kalojnë një moment të vështirë, pasi nuk kanë asnjë fitore në 5 ndeshjet e fundit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat