Shqiptari i mahniti të gjithë në Angli, firmos kontratë të re

Futboll

Shqiptari i mahniti të gjithë në Angli, firmos kontratë të re

Më: 30 nëntor 2021 Në ora: 20:07
Shqiptari i mahniti të gjithë në Angli, firmos kontratë të re

Anis Mehmeti është bërë brenda pak muajsh një nga emrat më të përfolur në kategorinë e tretë angleze.

Futbollisti i cili është bërë pjesë e Wycombes, po shënon me vazhdimësi dhe po tregon aftësi të jashtëzakonshme me skuadrën e cila është kthyer në pretendente për ngjitjen në kategorinë e dytë.

Ndaj pakkush kishte dyshim që për të do të vinte shpejt edhe momenti i firmës në një kontratë të re profesioniste, në mënyrë që të sigurohej e ardhmja e tij në klub, por edhe kushte më të mira financiare pasi deri tani ai trajtohej si një lojtar që vinte nga akademia.

Mesfushori i përfaqësueses Shpresa, sot ka nënshkruar një marrëveshje që e lidh deri në vitin 2024 me klubin në fjalë.

“Jam i lumturuar që hodhëm këtë firmë pasi ishte një rrugëtim i gjatë. Jam këtu që të qëndroj dhe dua të kthehemi përsëri në Championshp ”, ishin fjalët e Mehmetit pas firmës në intervistën që dha për faqen e klubit pas firmës së kontratës.

comment Për komente lëvizni më poshtë
Sot mund të lexoni Shfletoni kopertinat