Debutimi i shumëpritur

Futboll

Debutimi i shumëpritur

Më: 1 dhjetor 2021 Në ora: 21:18
Debutimi i shumëpritur

Ndeshja me Salernitanën ishte ajo ku talenti argjentinas Matias Soule, bëri debutimin e tij me fanellën e Juventusit. Por me siguri edhe ai nuk e kujton me aq shumë entuziazëm këtë herë të parë si bardhezi.. Pikërisht mënyra se si ai shkeli në fushën e lojës, ka acaruar tifozët të cilët i janë kundërvënë trajnerit Masimiliano Alegri.

Ky i fundit kishte planifikuar që Sule të futej në fushë në vend të Dibala, por në çastet e fundit të sfidës, Juventusi fitoi penallti e kësisoj u bë zëvendësimi me Kulusevskin në mënyrë që Dibala vetë të gjuante nga pika e bardhë.

Kështu, Sule hyri në fushë dhe u rreshtua në kufirin e zonës së rreptësisë së Salernitanës, sipas rregullores. Dibala gjuajti jashtë dhe gjyqtari menjëherë vërshëlleu për fundin e ndeshjes. Pra në praktikë, Sule ka shijuar vetëm 2-3 sekondat e lojës efektive të ekzekutimit të penalltisë.

Një debutim që është bërë objekt kritikash në rrjetet sociale, ku është sulmuar Alegri rreth mënyrës se si po trajton lojtarët e akademisë e për më tepër një emër si Sule i cili është një lojtar i grumbulluar edhe nga kombëtarja A e Argjentinës, ndonëse nuk kishte luajtur me ekipin e parë te Juventusi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat