Emocionet e Manajt

Futboll

Emocionet e Manajt

Më: 4 dhjetor 2021 Në ora: 11:47
Emocionet e Manajt

Rei Manaj u rikthye përsëri në “San Siro“, por këtë herë si kundërshtar i klubit ku hodhi hapat e tij të parë si futbollist, Interit. Sulmuesi shqiptar nuk mundi të lërë gjurmë në fushën e lojës, pavarësisht se e tentoi golin me një goditje të bukur nga jashtë zone, por Handanoviç reagoi në mënyrën e duhur.

Në një prononcim të dhënë për “Mediaset” Manaj shprehet se Handanoviç është një portier i madh dhe nuk ishte çudi që i mohoi golin. Gjithashtu lojtari i Specias tregon se ishte emocion i madh të shkelte përsëri në “San Siro” si dhe i uron Interit titullin kampion edhe këtë sezon.

“Pritja e Handanoviçit në fund të pjesës së parë? Ne e dimë se Handanoviç është një portier i madh, disa gjëra mund të ndodhin. Ne luajtëm një pjesë të parë me karakter të madh.

E dimë se në “San Siro” duhet të luash lojën e jetës tënde për të marrë pike. Megjithatë jemi të kënaqur dhe tani le të mendojmë për Sasuolon.

Është gjithmonë një emocion i madh të luash në “San Siro” kundër ekipit tim të preferuar. I uroj që të fitojë kampionatin dhe të ecë përpara në Ligën e Kampionëve. Specia ndonjëherë e frikësuar? Jo, nuk ishim, por në “San Siro” duhet të jesh i zgjuar. Ne zgjodhëm të qëndrojmë të mbledhur dhe hoqëm dorë nga zotërimi i topit”, ka thënë Rei Manaj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat