Di Biagio përulet para Interit

Futboll

Di Biagio përulet para Interit

Më: 18 janar 2022 Në ora: 16:23
Di Biagio përulet para Interit

Gigi Di Biagio foli për “Gazzetta dello Sport”, duke u ndalur tek Interi dhe rritja e skuadrës me kalimin nga Antonio Conte te Simone Inzaghi. Ish-futbollisti, tashmë trajner, është fokusuar kryesisht te qasja e zikaltërve ndaj ndeshjeve:

“Isha në stadium për Superkupën dhe më bëri përshtypje intensiteti e cilësia e paraqitjes së Interit. Aty u dëshmua se është një ekip shumë i fortë, me një gjendje të shkëlqyer fizike, një lojë argëtuese dhe bindje mendore tipike.

Titulli me Conte zhbllokoi diçka në kokën e lojtarëve. Edhe Simone ishte shumë i mirë për ta kaluar shpejt ekipin në një dimension të ri. Kundërshtari nuk llogaritet, është e rëndësishme të imponosh lojën dhe idetë e tua dhe të tregohesh më i fortë. Këtë po bën Interi i Inzaghi”.

Fjalë të rëndësishme edhe për lojtarët individualë: “Është e mrekullueshme të shohësh sesi Interi arrin të sulmojë gjithmonë me tetë ose nëntë lojtarë, me dy qendrat e mbrojtjes, që vendosen në gjysmënfushën kundërshtare, duke u ofruar për të asistuar ose goditur portën”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat