Benedetto do të rikthehet te Boca Juniors

Futboll

Benedetto do të rikthehet te Boca Juniors

Më: 20 janar 2022 Në ora: 13:08
Benedetto do të rikthehet te Boca Juniors

Dario Benedetto do të rikthehet te Boca Juniors. Sulmuesi argjentinas luajti me klubin e famshëm të Amerikës Latine në vitet 2016-2019, duke u kthyer në një idhull në “Bombonera”.

Në futbollin evropian ka luajtur me Marseille dhe Elche. Kartonin e zotëron klubi francez, teksa është huazuar deri në fund të sezonit tek ekipi i La Liga-s.

31-vjeçari, i cili ka veshur pesë herë fanellën e kombëtares argjentinase, do të rikthehet te “Xeneizes”, lajm që e konfirmon vetë në një prononcim për Onda Cero Elche.

“E kam thënë që në një mënyrë apo tjetër do të kthehesha te Boca Juniors, dhe e mbajta fjalën. Do të jem gjithmonë një tifoz i kësaj skuadre, por tani kam mundësinë të kthehem në klubin që dua.

Dua të kem te Boca minutat që nuk kam përfituar tek Elche. Pavarësisht mungesës së aktivizimit unë jam i lumtur, pasi kam mësuar shumë nga kjo përvojë”, deklaroi Benedetto.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat