Arsenali kërkon finalen

Futboll

Arsenali kërkon finalen

Më: 20 janar 2022 Në ora: 13:54
Arsenali kërkon finalen

Dy gjigantët anglezë do të përballen sonte në mes vete sonte në ndeshjen e kthimit gjysmëfinale të Carabao Cup

Arsenali dhe Liverpooli do ta kërkojnë sonte kualifikimin në finale të Carabao Cup.

Dy gjigantët e futbollit anglez do të përballen në mes vete në ndeshjen e kthimit gjysmëfinale.

Dueli i parë gjysmëfinal i Kupës së Ligës së Anglisë në “Anfield Road” kishte përfunduar baras, 0:0.

Në atë takim, të zhvilluar mesjavën e kaluar, me karton të kuq ishte ndëshkuar futbollisti kosovar, Granit Xhaka, i cili rrjedhimisht do të mungojë sonte.

Por, “Gunners” ishin mbajtur deri në fund pa pësuar gol.

E tash, ata do ta kërkojnë kualifikimin në finale, në ndeshjen që do të luhet në “Emirates Stadium”.

Por, edhe “Reds” e synojnë finalen e madhe, ku do t’i priste Chelsea më 27 shkurt.

Ndeshja e sontme ndërmjet Arsenalit dhe Liverpoolit do të fillojë në orën 20:45.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat