Nota e Kumbullës për ndeshjen ndaj Lecces

Futboll

Nota e Kumbullës për ndeshjen ndaj Lecces

Më: 20 janar 2022 Në ora: 23:34
Nota e Kumbullës për ndeshjen ndaj Lecces

Pas një nisjeje të vështirë, Marash Kumbulla ia ka dalë të fitojë besimin e Jose Mourinhos dhe të justifikojë gjithçka me paraqitjen në fushë, teksa përveç punës në mbrojtje, ka gjetur edhe golin.

Mbrojtësi shqiptar ia doli të barazojë përkohësisht 1-1 rezultatin e ndeshjes ndaj Lecces, të cilën Roma e fitoi me rezultatin 3-1 dhe siguroi kalimin në çerekfinale, ku do të gjejë përballë Interin e Simone Inzaghit.

Kumbulla u vlerësua me notën 6.5 për ndeshjen ndaj Lecces, teksa në përshkrim thuhet: Ka përgjegjësi bashkë me Ibanez te goli i Lecces, por më pas kontrollon mirë çdo aksion të kundërshtarit në zonën e tij. Gjen edhe golin që riktheu baraspeshën.

Përballë Kumbullës ishte si kundërshtar mbrojtësi tjetër i kombëtares shqiptare, Kastriot Dermaku, që e nisi titullar dhe luajti vetëm pjesën e parë, duke u vlerësuar me notën 6, veçanërisht për limitimin e rrezikut që vinte nga Tammy Abraham.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat