Pogba dëshiron vetem Real Madridin

Futboll

Pogba dëshiron vetem Real Madridin

Më: 21 janar 2022 Në ora: 22:41
Paul Pogba

Paul Pogba raportohet se ka informuar Manchester United se synon t’i bashkohet Real Madrid-it si një transferim i lirë në fund të sezonit 2021-2022.

Kontrata e 28-vjeçarit në Old Trafford do të skadojë në qershor dhe duket gjithnjë e më e pamundur që ai të nënshkruajë një marrëveshje të re me 20 herë kampionët e Anglisë.

Real Madridi ka qenë prej kohësh i lidhur me fituesin e Kupës së Botës, ndërsa Juventus dhe Paris Saint-Germain gjithashtu thuhet se janë në garë për nënshkrimin e tij këtë verë.

Sipas ‘Daily Star’, francezi i ka thënë Man United se dëshiron të transferohet te ‘’Los Blancos si një transferim i lirë përpara sezonit të ardhshëm.

Pogba nuk ka luajtur për ‘Djajtë e Kuq’ që nga fillimi i nëntorit për shkak të një problemi në kofshë, por mund të rikthehet në fushë në fazat e hershme të shkurtit.

Trajneri i përkohshëm i Man United, Ralf Rangnick, ka këmbëngulur se mesfushori është në planet e tij për gjysmën e dytë të sezonit, pavarësisht se me sa duket dëshiron të largohet si një transferim i lirë këtë verë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat