Ancelotti nuk duron më

Futboll

Ancelotti nuk duron më

Më: 22 janar 2022 Në ora: 12:23
Ancelotti nuk duron më

Real Madrid vuajti për të mposhtur Elche në Kupën e Mbretit të enjten në mbrëmje. 90 minutat nuk prodhuan asnjë gol, sfida shkoi në shtesa dhe emocionet u shtuan shumë. Vendasit kaluan në avantazh, por ekipi i Carlo Ancelottit përmbysi gjithçka falë golave të Iscos dhe Eden Hazard.

Fitorja dramatike solli kalimin e “Los Blancos” në çerekfinalet e Kupës së Mbretit, teksa Carlo Ancelotti regjistroi ndeshjen numër 150 si trajner i Realit. “Na presin shumë ndeshje të tjera së bashku. Faleminderit Real”, shkroi italiani në rrjetet sociale.

Ancelotti fitoi Superkupën e Spanjës dhe ndodhet në garë për të fituar të gjithë trofetë këtë sezon. Ndërkohë, 62-vjeçari ka komentuar edhe kalendarin e ngjeshur. Ai rrallë acarohet dhe kështu ka ndodhur pas takimit me Elchen.

“Ky kalendar është totalisht i pakuptimtë, çfarë mund të them tjetër? Duhet të ndryshojë, është e pashmangshme. Shpresoj që njerëzit që hartojnë kalendarin të zgjohen nga gjumi dhe ta bëjnë të drejtë për të gjithë”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat