Synimi i Newcastles

Futboll

Synimi i Newcastles

Më: 23 janar 2022 Në ora: 15:41
Yves Bissouma

Pozitat në klasifikimin e Premier League kanë detyruar drejtuesit arabë të Newcastle të tregohen shumë aktivë në merkaton e janarit. Deri më tani, “Qymyrxhinjtë” kanë përforcuar organikën me emra si Kieran Trippier, Chris Wood apo edhe Joe Willock.

Gjithsesi, nuk është e thënë që merkato të ndalet në këtë pikë duke qenë se Newcastle ka gati goditjen e radhës e cila mund t’i kushtojë arkave të klubit plot 50 milionë paund. Bëhet fjalë për lojtarin e Brighton, Yves Bissouma, i cili ka edhe 18 muaj kontratë me ekipin aktual.

25-vjeçari është i preferuar edhe nga Aston Villa e Steven Gerrard, megjithatë Newcastle duket më i prirur për të kënaqur interesat ekonomike të Brighton.

Bissouma aktualisht është i grumbulluar me kombëtaren e Malit në Kupën e Afrikës teksa në Premier League ka regjistruar 14 paraqitje duke treguar një rendiment të mirë në mesfushë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat