Brahim Diaz flet për formën e tij të dobët

Futboll

Brahim Diaz flet për formën e tij të dobët

Më: 28 janar 2022 Në ora: 17:28
Brahim Diaz

Brahim Diaz ka thënë se ka pasur ngecje në formën e tij, në periudhën e rikuperimit nga Covid-19.

Lojtari ndjenë përgjegjësi që mbanë numrin 10 te Milan dhe ka thënë se nuk mund të arsyetohet për formën, duke u thirrur në Covid-19.

Spanjolli e nisi shumë mirë sezonin, duke shënuar katër gola dhe dy asistime në nëntë ndeshjet e para këtë sezon. Por, më pas stagnoi. Ai rezultoi pozitiv në tetor.

“Ishte e vështirë. Kalova 12 ditë në shtëpi dhe unë kisha simptoma. Gjithsesi, nuk kërkoj arsyetime, ndihem mirë dhe jam gati të kthehem në më të mirën”, ka thënë Brahim.

“Më pëlqen të jem lider dhe të kem përgjegjësi. Jam krenar që luaj për Milan. E di se numri i 10 sjell presion, por unë kam personalitet për të”, shtoi tutje mesfushori spanjoll.

Brahim Diaz ka qenë në mesin e lojtarëve të cilët Stefano Pioli i konsideron si startues të përhershëm, ose bosht i formacionit të Milan. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat