Çuditë e Kupës së Afrikës

Futboll

Çuditë e Kupës së Afrikës

Më: 28 janar 2022 Në ora: 23:21
Çuditë e Kupës së Afrikës

Kupa e Afrikës dhuron çudi të vazhdueshme por deri tani, asgjë nuk kalon çuditë e ndeshjes mes Kamerunit vendas dhe Ishujve Komoros. Kameruni fitoi 2-1 një sfidë të pazakontë, që nisi me një tragjedi në dyert e stadiumit, ndërsa në fushën e lojës, ekipi kundërshtar luante me mbrojtësin e majtë i cili improvizohej si portier meqë dy i kishte të infektuar me COVID dhe një tjetër të dëmtuar.

Çaker Alhadur luajti në këtë ndeshje të pazakontë mes shtyllave, duke u munduar të ruante me dinjitet portën dhe ia doli deri diku në këtë detyrë. Por meqë nuk kishte një fanellë portieri, ai u desh të përshtaste atë të një shoku të skuadrës, Mojad Ouseni.

Në të ishte vendosur numri 16, por ai e “korrigjoi” duke vendosur me ngjitëse numrin 3, siç e ka të regjistruar në këtë turne.

Një veprim që zgjidhi situatën për momentin, por që është shoqëruar me pasoja. Kështu, CAF, Konfederata Afrikane e Futbollit, ka bërë të ditur se ka gjobitur Ishujt Komoros me 4500 euro pasi ka vlerësuar se nuk është respektuar numërimi i duhur i lojtarëve, duke i dhënë një shije edhe më të keqe kësaj sfide të pazakontë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat