Kukësi me mungesa

Futboll

Kukësi me mungesa

Më: 11 shkurt 2022 Në ora: 12:49
Kukësi me mungesa

Kukësi nuk vjen i plotë ndaj Kastriotit, pasi në këtë përballje do të vuajë mungesën e një prej lojtarëve më të rëndësishëm të ekipit, spanjollin Pablo de Lukas.

35-vjeçari, me kartonin e verdhë të koleksionuar ndaj Egnatias, ka mbushur numrin dhe do të duhet të bëjë një javë stop. Duke parë mënyrën se si luan Longo, spanjolli shihet si pika lidhëse e mbrojtjes me sulmin, ndaj mund të konsiderohet si një mungesë jo e vogël.

Megjithatë, gjasat janë që në pozicionin e tij të luajë Hila, i cili shpeshherë është përdorur nga Longo për të mbuluar boshllëqet që ka në skuadër. Një tjetër alternativë është edhe i riu Sula, i cili e ka zëvendësuar edhe më herët dhe ka marrë përgëzimet e teknikut.

Sakaq, sulmuesi Puntus edhe këtë javë duket se nuk do të jetë i gatshëm, sepse nuk është rikuperuar ende nga dëmtimi që ka pësuar para disa javësh dhe nuk është grumbulluar në asnjë ndeshje të vitit 2022.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat