Interi arrin statistikën e veçantë

Futboll

Interi arrin statistikën e veçantë

Më: 5 mars 2022 Në ora: 11:35
Interi arrin statistikën e veçantë

Interi arriti të fitonte mbrëmjen e djeshme me rezultatin 5-0 ndaj Salernitanës falë dyshes Xheko-Lautaro dhe duke i dhënë një “shkelm” krizës së gjatë të rezultateve.

Lautaro mori me vete topin në shtëpi pasi realizoi një tripletë ndërsa bomberi boshnjak shënoi një dy-golësh.

Sipas faqes së statistikave “OPTA Paolo”, Interi është skuadra e parë ku ka arritur të realizojë 10 gola ndaj një skuadre të vetme pa pësuar asnjë gol brenda një sezoni të Serisë A në dy ndeshje direkte.

Kjo ka ndodhur për herë të parë përpara 63 vitesh ku Fiorentina ka fituar 6-0 dhe 4-0 ndaj Torinos në sezonin 1958/1959.

Një statistikë e veçantë kjo për skuadrën zikaltër të Simone Inzagit.

Aktualisht Interi mban vendin e parë në renditje me 58 pikë, duke pritur që të zhvillohet supersfida e së dielës mes Napolit dhe Milanit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat