Ndarja mes Cristiano Ronaldos dhe Manchester United po bëhet gjithnjë e më evidente.
Pas mungesës në derbin kundër Manchester Cityt gjatë fundjavës, ish-sulmuesi i Juventusit ditën e martë nuk mori pjesë në seancën stërvitore të planifikuar për skuadrën e Ralf Rangnick.
Gjë që, sipas mediave britanike, pritet të përsëritet edhe në seancën e sotme. Këto mungesa justifikohen nga klubi me problemet fizike, që deklarohet se e detyruan portugezin të humbasë edhe dy ndeshje të tjera në janar.
Megjithatë, dyshimet se marrëdhëniet mes Ronaldos dhe “Djajve të Kuq” janë në fundin e tyre, po shtohen çdo ditë e më shumë, me të ardhmen e portugezit që ende nuk dihet se cila do të jetë.