Robert Lewandowski shënon sistematikisht me Bayern Munchen prej vitit 2014, kur la Dortmundin për t’u transferuar me parametra zero në Bavari.
33-vjeçari polak, i cili është kthyer në golashënuesin më të mirë të historisë së Bundesligës, ka kontratë deri në vitin 2023 me kampionët e Gjermanisë.
Edhe pse është shumë i lidhur me Bayernin, sulmuesi nuk e ka mohuar kurrë se do i pëlqente të provonte një tjetër aventurë në karrierë.
Lewa pret në verë një propozim nga drejtuesit e Bayernit në lidhje me rinovimin e kontratës. Bisedime nuk ka për momentin mes palëve.
Nëse në fund të sezonit nuk do të vijë oferta e re, polaku do të kërkojë shitjen e tij. Kujtojmë se Lewandowski përfiton rreth 24 milionë euro në sezon nga kontrata aktuale.
