Dortmundi mposht Mainzin

Futboll

Dortmundi mposht Mainzin

Më: 16 mars 2022 Në ora: 21:24
Dortmundi mposht Mainzin

Borussia e Dortmundit fiton ndeshjen e prapambetur ndaj Mainzit (ishte shtyrë për shkak të infektimeve me Koronavirus) dhe e ngushton në vetëm katër pikë diferencën me Bayernin kryesues.

Rihapet gara për titullin e Bundesligës, edhe pse duhet pranuar bavarezët mbeten favoritë për të triumfuar për të dhjetin sezon radhazi.

Sfida e zhvilluar në “Mewa Stadion” të Mainzit u vendos nga goli i Axel Witzel në minutën e 37-të, në zhvillimet e një goditjeje standarde. Topi i harkuar nga Reyna shkoi pikërisht në këmbët e futbollistit belg, që nuk gaboi pranë shtyllës së dytë.

Pak minuta më vonë pati tension në fushë mes futbollistëve të të dyja skuadrave, aq sa edhe trajneri i verdhezinjve, Rose, hyri në fushë, veprim që nuk u pëlqeu aspak vendasve.

Në minutat shtesë pati drithërima në të dyja portat, por vlen të veçohet rasti i humbur nga Julian Brandt, pas asistit të marrë nga Haaland.

Gjithsesi rezultati nuk ndryshoi më, me Borussian që merr një triumf shumë të rëndësishëm, që e kthen fuqishëm në garë për titullin kampion.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat