Lirohet Agim Ademi

Futboll

Lirohet Agim Ademi

Nga: B.S Më: 17 mars 2022 Në ora: 12:53
Agim Ademi

Kreu i FFK-së, Agim Ademi është liruar, pasi mbrëmë u arrestua.

Këtë e kanë bërë të ditur burime të gazetës "Bota sot".

Po ashtu lajmin e ka konfirmuar Laureta Ulaj, zëdhënëse e Prokurorisë Themelore në Prishtinë.

Të mërkurën u raportua se Ademi ka pasur një përleshje fizike me Artan Govorin, punëtor brenda federatës dhe ky i fundit e ka raportuar rastin në polici.

Disa orë më vonë Ademi ishte ftuar nga Policia e Kosovës në intervistë për rastin në fjalë, dhe tani ai është liruar në procedurë të rregull, por sipas prokurorisë rasti do të vazhdojë të hetohet.

“I njëjti pas intervistomi është liruar në procedurë të rregullt dhe rasti do të hetohet në vazhdim”, thuhet në njoftimin e prokurorisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat