Zvicër - Kosovë, “së bashku” për Ukrainën

Futboll

Zvicër - Kosovë, “së bashku” për Ukrainën

Më: 29 mars 2022 Në ora: 13:46
Zvicër - Kosovë, “së bashku” për Ukrainën

Ndeshja e sontme ndërmjet Zvicrës me Kosovën do të shkojë përtej sportit.

Tifozi turk nuk përmbahet, e gjuan me armë televizorin pasi Yilmaz e humbi…

Kjo miqësore në fakt do të jetë pjesë e mbështetjes së popullit ukrainas, i cili po vuan nga sulmi ushtarak rus.

Projekti “Together” (së bashku) punon për t’i integruar refugjatët në klubet zvicerane, shkruan mediumi zviceran “Blick”.

Gjithashtu, e ka për qëllim të sigurohen materiale të stërvitjeve dhe topa, e gjithashtu të ndihmohen njerëzit që janë larguar nga Ukraina shkaku i luftës.,

Përmes kësaj kampanje, zviceranët duan t’ua ofrojnë refugjatëve ukrainas mundësinë që të integrohen dhe të pranohen sa më shpejt dhe sa më lehtë nga klubet zvicerane, të luajnë futboll por edhe të bëjnë kontakte sociale.

Edhe sot, krahas lojtarëve, që do të jenë në mbështetje të popullit ukrainas, edhe tifozët zviceranë dhe ata shqiptarë që do të jenë të pranishëm në stadium do ta kenë mundësinë të kontribuojnë financiarisht përmes donacionit “Swiss Solidarity”.

Ndeshja ndërmjet Zvicrës dhe Kosovës do të luhet sot në Zurich duke filluar nga ora 18:00.

commentFirst article
Sot mund të lexoni Shfletoni kopertinat