Ademi pjesë e ekipit të UEFA-s 

Futboll

Ademi pjesë e ekipit të UEFA-s 

Më: 1 prill 2022 Në ora: 17:57
Ademi pjesë e ekipit të UEFA-s 

Në kuadër të zhvillimit të Kongresit të FIFA-s në Doha të Katarit, është organizuar edhe turneu në futboll, ku kanë marrë pjesë 10 ekipe: FIFA, UEFA, OFC, AFC, CONCACAF, CONMEBOL, CAF, Sponsorët, Transmetuesit e eventeve të FIFA-s dhe Mediat. Në ekipin e UEFA-s krahas shumë emrave të njohur të futbollit si Figo, Boban e Maxuell ishin edhe presidenti i UEFA-s, Aleksandër Çeferin dhe presidenti i FFK-së, Agim Ademi.

Ekipi i UEFA-s arriti deri në çerekfinale, derisa presidenti Ademi luajti në të gjitha ndeshjet. Ky respekt dhe vlerësim që i është bërë kreut të FFK-së dëshmon edhe njëherë raportet tejet të mira dhe miqësore që ai i ka krijuar me drejtuesit e UEFA-s.

Gjatë bashkëbisedimit me presidentin Çeferin, i pari i FFK-së e njoftoi atë rreth Kuvendit të rregullt zgjedhor më 6 prill dhe situatën e përgjithshme në futbollin e Kosovës, si dhe për projektet e FFK-së në vitet e ardhshme.

Ademi e falënderoi presidentin Çeferin për mbështetjen e vazhdueshme dhe për aprovimin edhe të dy projekteve tjera gjatë muajit mars në Komitetin HatTrick, në të cilin bën pjesë edhe vet kreu i FFK-së.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat