“Gazzetta dello Sport” fokusohet tek Zlatan Ibrahimoviç dhe e ardhmja e tij e mundshme.
Gazeta prestigjioze sportive italiane nënvizon se si suedezi nuk kursehet dhe po lufton me mish e me shpirt për ta çuar Milanin te titulli, me skadimin e kontratës që nuk është problem.
Në momentin e duhur ai dhe klubi do të flasin për këtë dhe së bashku do të vendosin se çfarë të bëjnë. Fillimisht ai dëshiron të fitojë dy trofetë e mbetur, më pas të rinovojë edhe një sezon tjetër për rreth 3 milionë euro neto.
Nga ana tjetër, nëse vendos të “pensionohet”, mund të vazhdojë si ambasador i kuqezinjve ose me një rol në stafin trajnues të Piolit. Gjithsesi, këto janë hipoteza që do të hulumtohen më vonë. Gjendja fizike do të rëndojë shumë në zgjedhje, pasi deri më tani adrenalina ka qenë kundërpesha perfekte.
Do të shohim nëse do të jetë gjithmonë kështu. Pas përplasjes kokë më kokë me Gary Medel të Bologna, Zlatan Ibrahimovic menjëherë ndihmën mjekësore. Ai tregoi shenjat e përplasjes me plagën në kockën e majtë të vetullës.
Sipas “Gazzetta”, suedezit iu bënë 4 qepje në dhomat e zhveshjes së “San Siros” për të ndalur gjakderdhjen, gjë që megjithatë nuk e rrezikon atë për ndeshjen shumë të rëndësishme të së dielës ndaj Torinos.
Ndërkohë, sot është një ditë e keqe përkujtimore për kuqezinjtë. Më 6 prill 1997 kemi qenë dëshmitarë të njërit prej rezultatave më të bujshme në futboll. Në “San Siro”, Juventusi i Marcello Lippit poshtëroi Milanin e Arrigo Sacchi duke fituar 6-1. Jugovic zhbllokoi shifrat, më pas Zidane me penallti dyfishoi rezultatin.
Në pjesën e dytë bardhezinjtë ishin akoma më të shfrenuar: sërish Jugoviq, Vieri dhe Amoruso dy herë, ndërsa goli i Marco Simone shërbeu vetëm për ta bërë disfatën më pak të rëndë. Juve do të fitonte kampionatin, ndërsa për Milanin ishte pika më e ulët e një sezoni tashmë të pasuksesshëm, i cili do të mbyllej me vendin e njëmbëdhjetë në renditje.
