Merret vendimi zyrtar për ndeshjen Gjilani - Ballkani

Futboll

Merret vendimi zyrtar për ndeshjen Gjilani - Ballkani

Më: 6 prill 2022 Në ora: 19:35
Merret vendimi zyrtar për ndeshjen Gjilani - Ballkani

Komisioni i Garave për Superligë dhe Ligën e Parë në përbërje Abdyl Bellopoja kryetar, Isak Ejupi dhe Agim Kastrati anëtarë, në mbledhjen e vet të mbajtur më datë 06.04.2022, duke vendosur lidhur me regjistrimin e ndeshjeve të javës së 27-të dhe ndeshjes së ndërprerë në mes të SC Gjilani – FC Ballkani, sipas detyrës zyrtare dhe konform nenit 71 të Rregullores së Garave, me datën 06.04.2022, mori këtë:

Venmdim: Ndeshja e javës së 27-të e zhvilluar në Gjilan me datën 03.04.2022, në mes të SC Gjilani – FC Ballkani, e ndërprerë në minutën 90+4, te rezultati 1:1, regjistrohet me rezultatin zyrtar 3:0 në favor të  FC Ballkani nga Suhareka.

A R S Y E T I M

Komisioni i Garave, në seancën e vet të mbajtur me datën 06.04.2022, regjistroi ndeshjet e javës së 27-të me rezultatet e arritura në fushë, përveq ndeshjes së zhvilluar në Gjilan në mes të SC-Gjilani – FC Ballkani, e ndërprerë në minutën e 90+4, te rezultati 1 : 1, për shkak të sulmit fizik ndaj lojtarit (portierit) të FC Ballkani.

Gjatë administrimit të gjitha shkresave në lëndë dhe xhirimeve televizive, Komisioni i Garave konstatoj se sipas nenit 71, paragrafi 1 të Rregullores së Garave, janë përmbushur të gjitha kushtet për administrim dhe vendimmarrje sipas detyrës zyrtare. Në bazë të nenit 23 dhe 24 të Propozicioneve të Garave, organizimin e ndeshjes e bën klubi nikoqir përmes zyrtarëve të vet, përfaqësuesit zyrtar dhe përfaqësuesit për siguri dhe të njëjtit si përfaqësues të SC Gjilani kanë dështuar në organizimin e kësaj ndeshje dhe si pasojë e kësaj kishte hyrje të shikuesve në fushë, dy nga të cilët sulmuan fizikisht-shqelmuan lojtarin (portierin) e FC Ballkani me nr.77 Stivi Frashëri, me ç`rast vije deri te ndërprerja e ndeshjes në minutën e 90+4, te rezultati 1 : 1.
Bazuar në nenin 59, paragrafi 1 i propozicioneve të garave: Nëse ndeshja ndërpritet për shkak të sulmit fizik ndaj gjyqtarëve apo lojtarëve, e njëjta do të regjistriohet me rezultat zyrtar 3 : 0 në favor të ekipit të dëmtuar, pranadaj duke u bazuar në këtë nen ekipi i dëmtuar në këtë ndeshje është FC Ballkani, kështu që ndeshjen e javës së 27-të në mes të SC Gjilani – FC Ballkani, Komisioni i Garave e regjistron me rezultat zyrtar 3 : 0 në favor të FC Ballkani, kurse ndaj ekipit dhe shkaktarit të incidentit do të inicohet procedura disiplinore, njofton Komisioni i Garave i FFK-së Abdyl Bellopoja, kryetar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat