Optimizëm te Atalanta

Futboll

Optimizëm te Atalanta

Më: 12 prill 2022 Në ora: 15:43
Optimizëm te Atalanta

Berat Gjimshiti nuk ka qenë pjesë e Atalantës në dy ndeshjet e fundit teksa pësoi një dëmtim në sfidën e kampionatit ndaj Napolit më datë 3 prill.

Mbrojtësi i bergamaskëve pati probleme me shpatullën, por për fat të mirë shmangu ndërhyrjen kirurgjikale e cila do ta mbante gjatë larg fushës së blertë.

Tashmë, Gjimshiti ka “hedhur pas krahëve” telashet dhe pritet të rikthehet në dispozicion të trajnerit Gian Piero Gasperini për ndeshjen e kthimit në çerekfinalen e Europa League, ndaj Leipzig.

Në sfidën e parë ndaj gjermanëve, italianët nuk shkuan më shumë se barazimi 1-1, megjithatë në shtëpi do të kërkojnë të marrin maksimumin për të prerë biletën e gjysmëfinales. Ndërkohë që do të kenë të gatshëm edhe një nga futbollistët më të rëndësishëm të organikës, si Berat Gjimshiti.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat