Ambasada e Bahrein në Mbretërinë e Bashkuar ka nxjerrë në dritë negociatat që fondi Elliot po bën me kompaninë Investcorp për shitjen e klubit të Milanit.
Tani kalimi i pronësisë së klubit tek kompania në fjalë duket gjithnjë e më pranë.
Sipas njoftimit të bërë në Tëitter nga Ambasada e Bahrein pritet që shitja të kapë shifrën e 1.1 miliardë dollarë.
“Fondi i menaxhimit të aseteve me qendër në Bahrejn, Investcorp, ka nisur negociatat ekskluzive për blerjen e klubit të Serisë A italiane, AC Milan për 1,1 miliardë dollarë.
Investcorp u themelua në vitin 1982, ofron një portofol të gjerë dhe global investimesh dhe menaxhon mbi 42 miliardë dollarë në asete në të gjithë globin”, shkruhej në postimin e Ambasadës.
Çdo gjë është specifikuar në detaje për kryerjen e negociatave dhe çdo gjë pritet të finalizohet në muajin maj..
