Mesfushori i Chelseat, Jorginho ka përfunduar në radar të Juventusit.
Përfaqësuesi italian është i hapur për t’u rikthyer në Serie A, ndërsa kontrata e tij me “Blues” do të skadojë në vitin 2023.
Mediumi “Todofichajes” raporton se kampioni i Evropës me “Azzurri” mezi pret të rikthehet në Itali, ku luajti me sukses në Napoli.
Dhe, interesim serioz për futbollistin me prejardhje braziliane ka shprehur Juventusi.
Në këmbim, “Zonja e Vjetër” mund t’ia ofrojë kampionit aktual evropian mesfushorin brazilian, Arthur, dikur pjesë e Barcelonës.
Ndërkohë, interesim për mesfushorin kreativ Jorginho ka shfaqur edhe gjiganti tjetër italian, Milani.
Mbetet të shihet nëse Jorginho do ta realizojë ëndrrën për t’u rikthyer në Serie A gjatë verës që po vjen.
Ai ka qenë mjaft i rëndësishëm në “Stamford Bridge” viteve të fundit, por edhe tek Kombëarja e Italisë.