Një banderolë kundër Zlatan Ibrahimovic ndez më shumë atmosferën në prag të ndeshjes Hellas Verona-Milan. Ajo u vendos jashtë “Bentegodi” nga lëvizja “Centopercentoanimalisti”.
“Ibra vret kafshët, sporti nuk e fshin erën 100%, – është mbishkrimi i ekspozuar nga lëvizja, e cila më pas shpjegoi në një shënim: – Ibrahimovic mori licenca për të vrarë kafshët më të rralla, duke përfshirë një luan.
Ai bleu një ishull në Balltik për ta shndërruar në rezervatin e tij ekskluziv. Shkurtimisht, vrasja është argëtimi i tij më i madh, i shoqëruar nga gruaja e tij, e cila është gjithashtu gjuetare.
Shumë tifozë të futbollit nuk e dinë ose e kanë harruar këtë, kështu që ne menduam ta kujtojmë për këtë. Nuk kemi asgjë për të thënë kundër Milanit, por individë të tillë meritojnë vetëm indinjatën tonë”.
Më poshtë keni foton e pankartës në fjalë (e realizuar nga Telenuovo), e cila më pas është hequr gjatë mëngjesit.
