Fiorentina ‘i ka vënë flakën’ garës për një vend në Europa League.
Skuadra ‘Viola’ shënoi fitore 2:0 në ndeshjen kundër Romës.
Vendasit kaluan në epërsi qysh në minutën e 5’, kur nga penalltia u tregua i saktë Gonzalez.
Vetëm gjashtë minuta më vonë, Bonaventura shënoi për 2:0, për t’i dhënë një epërsi solide të hershme skuadrës së tij.
Roma e Jose Mourinho ishte e pafuqishme për të bërë diçka në këtë ndeshje dhe deri në fund nuk arriti të gjente golin.
Kjo fitore e Fiorentinës e bën jashtëzakonisht interesante garën për një vend në garat evropiane sezonin tjetër.
Pas 36 ndeshjeve, Fiorentina ka 59 pikë në pozitën e 7, aq sa ka edhe Roma në pozitën 6 dhe Atalanta në pozitën 8.
