Zinchenko: Fokusohemi 100% ndaj Aston Villa

Futboll

Zinchenko: Fokusohemi 100% ndaj Aston Villa

Më: 16 maj 2022 Në ora: 20:16
Oleksandr Zinchenko

Oleksandr Zinchenko ka folur para ndeshjes kryesore të Manchester City këtë sezon.

Skuadra e Pep Guardiola do të luajë në shtëpi kundër Aston Villa në kuadër të xhiros së fundit të Premier League.

Ata kanë nevojë për fitore (nëse Liverpool fiton të gjitha ndeshjet), në mënyrë që të shpallen kampionë të Premier League.

Zinchenko është optimist dhe beson se me ndihmën e tifozëve, skuadra do t’ia dalë ta mbyllë mirë sezonin.

“Fokus 100% ndaj Aston Villas. Tifozët tanë do të na shtyjnë, të gjithë 90 minutat për 90 të fundit këtë sezon. Ne duam t’ju japim gjithçka atyre. Nuk ka gjëra të lehta në jetë. Çdo gjë është në duart tona, na duhet fokus dhe të tregojmë performancë”, ka thënë Zinchenko,

“Po mendojmë vetëm për paraqitjen tonë. Kemi kohë mjaftueshëm për t’u rikuperuar dhe për të përgatitur veten, kështu që do të përgatitemi sa më mirë të jetë e mundur. Çdo gjë është në duart tona dhe para tifozëve tanë është kënaqësi të luhen këto lloj ndeshjesh”, shtoi ukrainasi.

Zinchenko është kthyer në pikë kyçe të skuadrës në këtë fund të sezonit, kur City po vuan nga mungesa të shumta në fazën defensive

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat