Feyenoord godet

Futboll

Feyenoord godet

Më: 20 maj 2022 Në ora: 11:23
Feyenoord godet

Feyenoord është futur në “ethet” e fundit të sfidës finale të Conference League, në Tiranë, në “Air Albania” ndaj Romës, por kjo nuk i ka penguar holandezët të bëjnë goditjen e parë në merkato.

Skuadra nga Roterdami ka zyrtarizuar marrëveshjen me sulmuesin Danilo Pereira, braziliani i cili ishte në pronësi të Ajax.

Pas një huazimi të suksesshëm te Twente në sezonin 2020-2021, 23-vjeçari u rikthye në Amsterdam dhe u prezantua në 17 ndeshje me “Harkëtarët” në këtë edicion, pjesën më të madhe si zëvendësues, por përsëri gjeti rrugën e rrjetës tetë herë.

Lojtari vjen me parametra zero, pasi kontrata e Danilo Pereira-a me Ajax përfundonte në këtë qershor dhe me Feyenoord ka firmosur një kontratë katër vjeçare, pra deri në qershorin e vitit 2026.

Drejtuesit e klubit janë optimistë për këtë lëvizje dhe me shumë mundësi, sulmi, sezonin e ri mund t’i besohet pikërisht brazilianit.

Skuadra nga Roterdami mund të konsiderohet me “fat”, pasi për të transferuar një lojtar me parametra zero nga Ajax është një mision i vështirë, por kjo tregon punën e mirë që po bën klubi në vitet e fundit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat