Dëmtimet nuk e ndalin

Futboll

Dëmtimet nuk e ndalin

Më: 20 maj 2022 Në ora: 11:24
Dëmtimet nuk e ndalin

Xherard Pike nuk e ka ndër mend që të ndalet këtu. Mediat spanjolle pranë Barcelonës kanë bërë me dije se mbrojtësi i katalanasve do të vijë edhe të paktën një sezon me klubin.

Vazhdimësia e tij te Barcelona ishte vënë në pikëpyetje për shkak të problemeve jo të pakta fizike që mbrojtësi ka pasur në këtë sezon.

Por me sa duket dëshira e tij për të vijuar eksperiencën me trajnerin Ksavi është më e madhe se mosha dhe shqetësimet fizike. Për momentin, objektivi i tij i parë është rikuperimi nga dëmtimi.

Por Pike është i bindur se do t’i kapërcejë këto probleme fizike dhe do të kthehet edhe më i fortë, duke konfirmuar se do të jetë në shërbim të trajnerit Ksavi për sezonin 2022-2023.

Trajneri i katalanasve ka marrë vlerësimet maksimale për vetëm 7 muaj punë në drejtimin e Barçës, duke e ngjitur ekipin deri në vendin e dytë dhe duke i siguruar një vend në Ligën e Kampioneve në sezonin e ardhshëm.

Vazhdimësinë e Pikesë në skuadër e dëshiron dhe vetë Ksavi që e ka mbështetur jo pak mbrojtësin veteran.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat