Trofeu i Ligës së Kampionëve aq unik sa do ta sakrifikonte edhe gruan e tij, ky ishte komenti i yllit të Realit

Futboll

Trofeu i Ligës së Kampionëve aq unik sa do ta sakrifikonte edhe gruan e tij, ky ishte komenti i yllit të Realit

Më: 26 maj 2022 Në ora: 21:26
Fede Valverde

Vetëm edhe dy ditë na ndajnë nga finalja e madhe e këtij edicioni të Ligës së Kampionëve mes Real Madridit dhe Liverpoolit.

Reali do të synojë që të fitojë trofeun e 14-të të kësaj gare, kurse Liverpooli kërkon ta fitojë të shtatin, por edhe të hakmerret për finalen e 2018, ku u mposhtën pikërisht nga Reali në finale me rezultat 3:1.

Ndërkaq, mesfushori i “Galaktikëve”, Fede Valverde para ndeshjes së madhe ka treguar se do të bëjë çmos për ta ndaluar Liverpoolin nga triumfi.

Në fakt, Valverde ka thënë se do ta sakrifikonte edhe gruan e tij vetëm për ta fituar trofeun e Ligës së Kampionëve.

“Është një trofe unik për cilindo lojtarë në botë. Jam i gatshëm të sakrifikojë shumë gjëra, përveç djalit tim, por ndoshta edhe gruan time”, tha Valverde.

Të shtunën me fillim nga ora 21:00, stadiumi “Stade de France” do të jetë nikoqir i finales së madhe të Ligës së Kampionëve mes Real Madridit e Liverpoolit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat