Kthesa e papritur e Atalantës

Futboll

Kthesa e papritur e Atalantës

Më: 19 qershor 2022 Në ora: 11:51
Kthesa e papritur e Atalantës

Pas një hezitimi disa ditor për të blerë kartonin e Merih Demiral, Atalanta ndërroi mendje dy ditë më parë dhe menjëherë pagoi 20 milionë euro në arkat e Juventusit, duke bërë plotësisht të sajin qendërmbrojtësin turk.

Lëvizja e bergamaskëve, që mund të ushtronin të drejtën e blerjes deri më 20 qershor, u pa vërtetë si e befasishme, teksa në Itali shumë mendojnë se pas vendimit të Atalantës për të blerë Demiral, fshihet pikërisht Interi.

Zikaltrit kanë piketuar turkun si zëvendësuesin e De Vrij, në rast largimi të holandezit dhe kanë nxitur Atalantën të blejë Demiral, duke u premtuar bergamaskëve se do ta riblejnë ata në javët e ardhshme, me një çmim pak më të lartë se 20 milionë eurot.

Natyrisht vetëm koha mund të konfirmojë nëse diçka e tillë është e vërtetë, megjithatë blerja e Demiral nga Atalanta prishi jo pak planet e Juventusit, që po negocionte shitjen e turkut te Napoli për një shifër të përafërt me 35-40 milionë euro.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat