Nottingham Forest vendos rekord

Futboll

Nottingham Forest vendos rekord

Më: 25 qershor 2022 Në ora: 19:10
Nottingham Forest

Nottingham Forest bënë goditjen e parë në merkato. Klubi i sapo ngjitur në Premier League ka gjetur akordin me sulmuesin nigerian Taiwo Awoniyi, i cili ishte pjesë e gjermanëve të Union Berlin.

“The Tricky Trees” të shpenzuan 17 milionë paund për 24-vjeçarin, i cili bëhet kështu transferimi më i shtrenjtë (rekord) në historinë e Forest. Sulmuesi ka firmosur një kontratë pesëvjeçare me klubin anglez dhe sezonin e kaluar ai realizoi 20 gola në 43 ndeshje me Union Berlin në të gjitha kompeticionet.

Awoniyi u shpreh shumë i lumtur për këtë transferim dhe ndihet krenar që ka vendosur një rekord të tillë.

“Ka qenë gjithmonë ëndrra ime të luaj në Premier League. Jam shumë i lumtur për këtë transferim dhe besoj se do të bëjmë një sezon të mirë dhe besimin e drejtuesve do t’a shpërblej me paraqitje të mira në fushën e lojës” – tha sulmuesi

Duhet theksuar se Awoniyi nga viti 2015 dhe deri më vitin 2021 ishte një lojtar i Liverpool, por “The Reds” nuk besuan kurrë te ai duke e dërguar gjithmonë në huazim, me sulmuesin i cili ka luajtur në pesë huazime të ndryshme (FSV Frankfurt, NEC, Mouscron, Gent dhe Mainz 05) përpara se kartonin e tij ta zotëronte Union Berlin në verën e vitit 2021.

Gjithashtu Taiwo ka zhvilluar edhe katër ndeshje me përfaqësuesen e Nigerisë dhe ka shënuar një gol.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat