E ardhmja e Ronaldos

Futboll

E ardhmja e Ronaldos

Më: 26 qershor 2022 Në ora: 11:46
E ardhmja e Ronaldos

Man United ka konfirmuar zyrtarisht se Cristiano Ronaldo nuk është në shitje. “Djajtë e Kuq” e kanë në planet e tyre pesë herë fituesin e Topit të Artë, me trajnerin Ten Hag që e sheh portugezin si një pikë kyçe për të ardhmen.

Zërat për largimin e 37 vjeçarit nga Old Trafford u shtuan ditët e fundit dhe një opsion ishte dhe rikthimi i tij në skudrën e Juventusit. Pasi “Zonja Vjetër” riktheu në skuadër Paul Pogba, vetë Ronaldo e dëshironte një rikthim në Allianz Stadium për t’u bashkuar me ish-shokët e tij të skuadrës.

Portugezi u përfol edhe për një kalim të mundshëm te Bayer Munchen në rast të një largimi të Robert Lewandowski drejt Barcelonës por vetë drejtori sportiv i bavarezëve i ka hedhur poshtë zërat për një kalim të mundshëm të 37 vjeçarit në Allianz Arena.

Vetë agjenti i lojtarit Jorge Mendes ka qenë i angazhuar për ta transferuar Cristiano Ronaldon në një ekip tjetër, pasi portugezi nuk është i kënaqur me filozofinë e trajnerit holandez. Në sezonin e fundit ish lojtari i Juventusit bëri paraqitje tepër te mira në aspekin personal por Djajtë e Kuq arritën vetëm vendin e gjashtë në renditje.

Ronaldo luajti 30 ndeshje në Premier League sezonin e kaluar duke arritur të shënonte 18 gola dhe duke shërbyer 3 asist për shokët e skuadrës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat