Salah ia kalon Ronaldos, këta janë futbollistët më të paguar në botë

Futboll

Salah ia kalon Ronaldos, këta janë futbollistët më të paguar në botë

Më: 2 korrik 2022 Në ora: 14:23
Mohamed Salah, Ronaldo

Mohamed Salah ka vazhduar zyrtarisht kontratën me gjigantin anglez Liverpool.

Lajmi që tifozët e Liverpoolit e kanë dëshiruar prej muajsh më në fund mbërriti të premten pasdite, dhe është një gjë shumë e nevojshme për skuadrën për sezonin e ri 2022/23.

Largimi i Sadio Mane në Bayern Munich nënkuptonte se Liverpool thjesht nuk mund të përballonte humbjen e Salah, dhe kjo është arsyeja pse klubi ka përmbushur kërkesat e tij të larta për paga.

Egjiptiani tani është lojtari më i paguar në historinë e Liverpoolit, ku paga e tij besohet të jetë rreth 464,000 euro në javë, e cila është afro dyfishi i fituesit të dytë më të lartë në klub, Virgil van Dijk.

Liverpooli ka kaluar të gjithë kufijtë për të mbajtur Salah dhe është e lehtë të kuptosh pse, kur shikon se çfarë ka arritur ai që nga transferimi në “Anfield Road” në verën e viti 2017.

Ish-sulmuesi i Chelseat dhe Romës është pa diskutim një nga lojtarët më të mëdhenj të Liverpoolit, duke regjistruar 156 gola në 254 ndeshje, dhe duke fituar një bollëk trofesh, përfshirë titullin e Premier Ligës dhe Ligës së Kampionëve.

Tani, burimet e “Daily Mail” kanë zbuluar 10 futbollistët me pagat më të mëdha në ditët e sotme pas shpalljes së marrëveshjes së re të Salah, me njeriun kryesor të Jurgen Klopp tani përpara super-yllit të Manchester United, Cristiano Ronaldo.

Kylian Mbappe, Paris Saint-Germain – 1,160,000 euro në javë

Lionel Messi, Paris Saint-Germain – 1,113,000 euro në javë

Neymar, Paris Saint-Germain, 703,412 euro në javë

Mohamed Salah, Liverpool – 464,000 euro në javë

Kevin De Bruyne, Manchester CIty – 446,887 euro në javë

Cristiano Ronaldo, Manchester United – 446,887 euro në javë

Erling Haaland, Manchester City – 435,000 euro në javë

David De Gea, Manchester United – 435,000 euro në javë

Antoine Griezmann, Atletico Madrid (në huazim nga Barcelona) – 413,226 euro në javë

Robert Lewandowski, Bayern Munich – 406,000 euro në javë

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat