​Ballkani kundër Zalgiris do të luajë me formacion të ri

Futboll

​Ballkani kundër Zalgiris do të luajë me formacion të ri

Më: 4 korrik 2022 Në ora: 18:27
Trajneri i Ballkanit Ilir Daja

Trajneri i Ballkanit Ilir Daja, ka lënë të kuptohet që në ndeshjen e nesërme kundër Zalgirisit në Ligën e Kampionëve do të luajë me një skemë të re.

Në konferencën për media, Daja tha se një garë e tillë kërkon përkushtim maksimal dhe më ndryshe krahasuar me Superligën e Kosovës. 

"Nuk mund të jap detaje për shkak të kundërshtarit, por mund të them që do të luajmë me skemë të re. Në fakt, ne kemi praktikuar dy skema dhe nesër do të vendosim se me cilën do të zbresim në fushë. Kemi skuadrën e kompletuar dhe jemi gati për të dhënë maksimumin", tha Daja. 

Ndeshja ndërmjet Ballkanit dhe Zalgirisit do të zhvillohet të martën në stadiumin "Fadil Vokrri" në Prishtinë nga ora 20:00.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat