Laçi përforcon mesfushën

Futboll

Laçi përforcon mesfushën

Më: 5 korrik 2022 Në ora: 14:34
Michel Babatunde

Laçi ka arritur të përforcohet në mesfushë, teksa ditën e sotme ka firmosur me ish-lojtarin e kombëtares së Nigerisë, Michel Babatunde.

Lajmin e ka bërë të ditur vetë klubi kurbinas nëpërmjet një postimi në rrjetet sociale, ku njoftohet se palët kanë firmosur bashkëpunimin mes tyre.

“Micheal Babatunde është zyrtarisht lojtar i skuadrës tonë, pas hedhjes së firmës mbi kontratë.

Mesfushori me tipare sulmuese ka qenë edhe pjesë e kombëtares së Nigerisë në të shkuarën. Ai ka pozuar sot me uniformën e re, të sezonit 2022-2023”, shkruan klubi bardhezi.

Nigeriani Babatunde ka një CV të pasur, teksa ka qenë pjesë e kombëtares së tij në dy botëroret e fundit. 29-vjeçari ka luajtur në Ukrainë, Katar dhe Marok së fundmi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat